Sittembri vai e bucca pur’a stati,
‘na burraschiata r’acqua ndi rifrisca,
e i fogghi sunnu tutti addulurati,
a bbrizza pungi e ffaci la so’ lissa.
L’autunnu rriggitanu è culuratu,
dill’Asprumunti nzina a lu punenti,
i nuvulati nd’hannu aluni di rosatu
e di so’ bbuca la luci è surprindenti.
Pari chi Ddiju saluta ‘a so’ simenza
e, o’ tramuntari, s’appoja nta lu mari,
faci ‘na chiazza r’oru e nautr’argentu,
po’ passa i munti, lentu, o’ ddurmentari.
‘St’autunnu porta rrobb’assai spiciali :
rizzi e castagni, cucuzzi e puru fungi,
sorba, mbriacheddhi, rracina origginali,
granati, nuciddhi e ‘a nespula chi pungi.
Pira butiru e puma limunceddhi,
di Musorrifa e Carditu, vantu i ‘sta città.
Alivi pi sarmura, fica e cucuzzeddhi,
Cachì e pani caddu di tanti varietà.
Cutugni, nuci e ficarazzi natalini.
Quanti sapuri ndi duna ‘sta natura !
E quant’aduri prezziusi e supraffini !
E ‘u meli ra nostra apicurtura ?
‘Nnunca l’autunnu è duci e ndi rifrisca,
signa lu passu a’ prossima ‘mbernata,
jinch’i sciumari cu’ ‘n’undata brusca,
duna a la terra ‘na bbona mbivirata.
‘Nti ‘sti tri misi apporta randi bbeni,
Ddiju non abbanduna mai li figghi soi,
a ognunu nci li caccia li so’ peni,
arricchisci i trappiti e ghjinchi li frantoi.
Salvatore Marrari
